Nýr hönnunarsjóður hóf starfsemi á mánudag. Sjóðurinn var stofnaður af mennta- og menningarmálaráðuneyti í febrúar.
Í ár er framlag til sjóðsins 45 milljónir króna og fer Hönnunarmiðstöð Íslands ehf. með umsýslu sjóðsins.
„Með stofnun hönnunarsjóðs hefur verið stigið mikilvægt skref af hálfu ríkisvaldsins til viðurkenningar og eflingar hönnunar í íslensku atvinnulífi,“ segir Borghildur Sturludóttir, arkitekt og stjórnarformaður Hönnunarmiðstöðvar.
Umsóknarfrestur rennur út 11. nóvember 2013. Úthlutað verður úr sjóðnum um miðjan desember 2013. Nánari upplýsingar er að finna á heimasíðu sjóðsins, sjodur.honnunarmidstod.is.
