Eminem með nýja plötu

Von er á nýrri plötu frá rapparanum Eminem. Þeir sem horfðu á MTV-tónlistarverðlaunin á sunnudaginn ráku upp stór augu þegar rapparinn tilkynnti útgáfu plötunnar í auglýsingum sem birtust á meðan á hátíðinni stóð.

Nýja platan ber heitið MMLP2 og er væntanleg í verslanir vestanhafs 5. nóvember næstkomandi.

Fyrsta smáskífa plötunnar, „Berzerk“, er komin í spilun og eru aðdáendur Eminem að vonum spenntir þar sem lítið sem ekkert hefur heyrst frá kappanum frá því 2010. Hægt er að heyra lagið í spilaranum hér fyrir ofan.

Hér fyrir neðan má síðan sjá auglýsingarnar frá því um helgina en þær eru bæði fyrir nýja plötu Eminem og heyrnartólalínu Dr. Dre.