Nýtur forréttinda í tónlist

Rapparinn Macklemore prýðir forsíðu næsta heftis Rolling Stone. Í viðtali við tímaritið kveðst hann meðvitaður um þau forréttindi sem hann nýtur sem hvítur tónlistarmaður.

„Ég veit hvernig samfélagið virkar. Ég blóta frá mér allt vit í laginu Thrift Shop en þrátt fyrir það finnst foreldrum í lagi að börn sín hlusti á lagið, af því að ég er hvítur. Hefði ég notið þessarar velgengni hefði ég verið svartur? Ég held að svarið sé nei,“ sagði Macklemore um tónlist sína og velgengni plötunnar The Heist.