Retro Stefson fær góða dóma í Þýskalandi

Hljómsveitin Retro Stefson fær góða dóma fyrir tónleika sína í þýsku borginni Köln í síðustu viku.

Vefsíða Kölner Stardt-Anzeiger, Ksta.de, segir að meirihluti tónleikagesta hafi fílað tónlistina í ræmur og að lagið Qween hafi staðið upp úr.

Vefsíðan Intro.de segir að hljómsveitin hafi komið óvart og að henni hafi tekist að blanda saman ólíkum tónlistarstefnum á skemmtilegan hátt. 

Þorbjörg Roach Gunnarsdóttir og félagar í Retro Stefson verða á faraldsfæti um Evrópu í sumar og spila á hinum ýmsu tónlistarhátíðum.

Að auki spilaði sveitin á dögunum fjögur lög í útvarpsþætti BBC 1 sem var sendur út í síðustu viku.