Múm, MØ og Metz mæta

Múm hefur bæst við dagskrá Iceland Airwaves í haust, en hljómsveitin gefur um svipað leyti út nýja plötu.

Auk hennar bætast í hópinn Sin Fang, danska söngkonan MØ, elektrópoppkvartettinn Bloodgroup, gruggpönkararnir kanadísku í Metz, draumpoppararnir Young Dreams frá Noregi, hin reykvíska sveit Oyama og sænska söngkonan Sumie Nagano.

Iceland Airwaves verður haldin í fimmtánda sinn í ár, dagana 30. október til 3. nóvember, og er miðasala í fullum gangi á heimasíðu hátíðarinnar.