Bílar

Civic slær út Corolla í Bandaríkjunum

Finnur Thorlacius skrifar
Honda Civic.
Honda Civic.
Slagurinn um mest selda smáa bílinn vestanhafs virðist nokkuð útséður þetta árið, en Honda Civic hefur tekið það mikla forystu á þann bíl sem næstur kemur í sölu, Toyota Corolla. Í síðasta mánuði seldist Honda Civic í 27.328 eintökum á meðan Corollan seldist í 23.637 eintökum.

Salan Civic það sem af er ári nemur 280.899 bílum, en 257.184 Corolla hafa selst og því er næsta öruggt að Civic kemur til með að verða söluhæstur þetta árið. Í september var Toyota Corolla söluhærri en Honda Civic og hafði því dregið á forskotið.

Í þriðja sæti í síðasta mánuði er svo Chevrolet Cruze með 16.087 bíla og Ford Focus með 15.108. Sala Civic og Corolla hefur vaxið um tveggja stafa prósentutölu á milli ára en sala Cruze og Focus hefur dregist saman á milli ára.

Í fimmta sæti er Hyundai Elantra með 14.876 bíla og í því sjötta Volkswagen Jetta með 11.710 bíla. Í sjönda til tíunda sæti eru svo Nissan Sentra (8.399), Mazda3 (7.647), Dodge Dart (5.617) og Subaru Impreza (4.923). 

Mest lesið




×

Mest lesið