300 ára selló fylgir Lanegan

Evróputónleikaferð bandaríska tónlistarmannsins Mark Lanegan hófst í Vínarborg í Austurríki um síðustu helgi.

Ferðin endar hér á landi með tvennum tónleikum í Fríkirkjunni 30.nóvember og 1.desember.

Auk Lanegan mun hinn breski Duke Garwood, sem sendi frá sér plötuna Black Pudding fyrr á árinu, koma fram. Einnig mun belgíski tónlistarmaðurinn Lyenn leika listir sínar.

Von er á fleiri gestum í Fríkirkjuna, eða Hollendingunum Sietse Van Gorkom sem leikur á fiðlu og Jonas Pap sem leikur á yfir þrjú hundruð ára gamalt selló. Þrátt fyrir ungan aldur hafa þeir báðir verið iðnir við að spila sígilda tónlist og popp- og rokktónlist í Evrópu um árabil.

Bandaríski gítarleikarinn Jeff Fielder frá Seattle stígur einnig á svið.

Miðar á fyrri tónleikana eru uppseldir en enn eru til miðar á aukatónleikana 1.desember. Miðasala fer fram á Midi.is.