Bílar

Ók á 16 bíla og endaði á staur

Finnur Thorlacius skrifar
Lincoln Navigator bíllinn sem konan ók.
Lincoln Navigator bíllinn sem konan ók.
Sjónarvottar sem sáu konu aka á 16 bíla áður en hún endaði á ljósastaur lýsa uppákomunni eins og þeir væru staddir í miðri bíómynd eða í tölvubílaleiknum Grand Theft Auto.

Konan, sem er 62 ára, ók stórum Lincoln Navigator jeppa og stórskemmdi flesta þá bíla sem á vegi hennur urðu í bænum Mississauga í Ontario fylki í Kanada. Enginn meiddist þó alvarlega í þessum árekstrum öllum, en árekstarloftpúðar flestra bílanna blésu upp. Margir bílanna sem konan ók á eru illa farnir og ljóst að tjónið er gríðarlegt sem hún olli.

Einn sjónarvottur furðaði sig á því að bílnum hafi ýmist verið ekið afturábak eða áfram á milli árekstra, líkt og allt væri þetta með vilja gert. Lögreglan rannsakar nú hvort eitthvað hafi verið að bremsubúnaði bílsins, sem telst þó harla ólíklegt af lýsingu sjónarvotta að dæma. 

Fórnarlömbin á víð og dreif.
Á vígvelli og sumir dýrir bílar liggja í valnum.

Mest lesið




×

Mest lesið