Leir-útgáfa af Thom Yorke

Hljómsveitin Atoms For Peace hefur sent frá sér nýtt myndband við lagið Before Your Very Eyes. 

Í myndbandinu sést leir-útgáfa af söngvaranum Thom Yorke í eyðimörk rísa upp úr sandinum á sama tíma og borg rís þar einnig upp.

Auk Yorke, söngvara Radiohead, eru í Atoms For Peace upptökustjórinn Nigel Godrich, Flea, bassaleikari Red Hot Chili Peppers, Joey Waronker sem hefur trommað með Beck og R.E.M. og slagverksleikarinn Mauro Refosco.

Fyrsta plata sveitarinnar AMOK kom út í febrúar síðastliðnum.