Nýtt lag frá Eyþóri Inga

Tónlistarmaðurinn Eyþór Ingi Gunnlaugsson, hefur ásamt hljómsveit sinni, sem ber nafnið Atómskáldin, gefið út sitt fyrsta smáskífulag. Lagið heitir Hárin rísa og verður það að finna á væntanlegri breiðskífu, sem kemur út á næstu mánuðum. Platan er fyrsta sólóplata Eyþórs Inga og inniheldur hún frumsamið efni.

Stefán Örn Gunnlaugsson sá um upptökustjórn en upptökur fóru fram í Geimsteini í Keflavík.

Hárin rísa var frumflutt í þætti Rúnars Róbertssonar á Bylgjunni fyrr í dag. Hægt er að nálgast lagið hér á Tonlist.is. Það verður einnig fljótlega aðgengilegt á Spotify og iTunes. Frekara efni má nálgast á síðunni eythoringi.is.

Post by Lífið á Visir.is.