400 kíló af laxi í net sín á einum degi

Ekkert lát er á góðri laxagengd í flestum laxveiðiám landsins og hefur sala veiðileyfa tekið mikinn kipp.

Þá er óvenju gott rennsli í ánum suðvestanlands vegna rigninganna, en á þessum tíma eru árnar stundum svo vatnslitlar að það háir veiðum.

Laxveiði í net gegnur líka óvenju vel, þar sem hún er enn stunduð. Vísi er til dæmis kunnugt um að laxabóndi við Þjórsá fékk nýverið 400 kíló af laxi í net sín á einum degi, en ekki fylgir sögunni hversu margir laxar fylltu þá tölu.