Bílar

Ný Top Gear þáttaröð að hefjast

Finnur Thorlacius skrifar
Þeir eru búnir að vera lengi að þríeykið í BBC bílaþáttunum Top Gear, en tuttuguasta þáttaröð þeirra hefst nú á sunnudaginn í Bretlandi og vonandi er stutt í sýningu þeirra hér á landi.

Þó að reynt sé ávallt að halda efni þáttanna leyndum sem kostur er lekur alltaf eitthvað út, sérstaklega þegar senurnar eru eins stórar og á eins áberandi stað og sést í meðfylgjandi myndskeiði. Þar er verið að mynda stærstu einstöku senu sem mynduð hefur verið í þáttunum að sögn Jeremy Clarkson, eins þáttastjórnenda.

Á því sést vafalaust megnið af breskri bílaframleiðslu gegnum alla bílasöguna og þeim er lagt á heimreiðinni að Buckingham höll. Áberandi eru Rolls Royce, Bentley, McLaren og Aston Martin bílar, stolt þeirra Breta.

Þarna sjást líka Formúlu 1 bílar sem smíðaðir eru í Bretlandi, en megnið af þeim eru það víst. Mini bílar sjást einnig, smáir blæjubílar af ýmsum gerðum, herbílar, sláttuvélar, húsbílar, rútur, vinnuvélar og fleira skrítilegt. Engu að síður eru sportbílar þeirra Breta senuþjófarnir. 

Mest lesið




×

Mest lesið