Óvenju stórir laxar í Elliðaám

Veiðimaðurinn Richard Hansen veiddi vænan hæng, sem sjá má á meðfylgjandi mynd, í morgun í Elliðám. Laxinn tók maðk í Teljarastreng.

Laxinn sem Hansen veiddi er 6,9 kíló og 91 sentímetra langur en laxar sem hafa verið að veiðast í Elliðaám, sem er dæmigerð smálaxaá, hafa verið vænir vel og velta nú veiðimenn því fyrir sér hvað sé að gerast? Bjarni Júlíusson, formaður Stangaveiðifélags Reykjavíkur, sem hefur umsjá með Elliðaám, telur að aðstæður í hafi hljóti að vera betri nú en í fyrra. En, þá voru heimtur slæmar.



 

Ásgeir Heiðar veiðimaður segir að það hafi verið að veiðast óvenjustórir laxar úr Elliðaám þann stutta tíma síðan þær opnuðu. Sjálfur tók hann vel vænan lax sem hann sleppti. Hinn var drepinn og á eftir að vigta hann.