Glæsileg opnun hjá Carolinu Herrera

Tímaritið Vanity Fair blés til veislu síðasta miðvikudag til að fagna opnun nýrrar verslunar fatahönnuðarins Carolina Herrera á Rodeo Drive í Beverly Hills. Fjöldi fólks var viðstatt og klæddust konurnar margar hverjar hönnun Herrera.

Fatahönnuðurinn fæddist í Venesúela árið 1939 og starfaði fyrir fatahönnuðinn Emilio Pucci á árunum 1965 til 1968. Hún giftist Reinaldo Herrera Guevara, markgreifa af Torre Casa, árið 1968 og hlaut þá nafnbótina markgreifafrú.   Herrera er náin vinkona Mick og Biöncu Jagger og árið 1972 var hún kosin ein best klædda kona heims.  Herrera sýndi sína fyrstu fatalínu árið 1980.