Aukin notkun hágæðalíms léttir og styrkir bíla

Bílaframleiðendur eins og Audi og Mercedes Benz hafa aukið mjög notkun líms í samsetningu bíla sinna að undanförnu og í leiðinni létt þá umtalsvert. Aukin notkun léttari efna en stáls hefur drifið áfram þessa þróun. Ál, plast, koltrefjar og fleiri létt efni hafa leyst af stál og samsetning slíkra íhluta hefur krafist aukinnar notkunar á hátæknilímefnum, en þá er ekki hægt að sjóða saman eins og stál.

Samskonar lím og notað er í Croc skó og tennisspöðum hafa verið notuð af bílaframleiðendunum. Bílaframleiðendur nota nú um 10% af heimsframleiðslunni á þessum hátæknilímefnum en það mun aukast hratt á næstunni. Nýjasta notkunin á þessum límum í bíliðnaðinum hefur verið í spyrnum, "balance"-stöngum, hurðum, stuðurum og dempurum bíla.

Þá eru þessi límefni einnig notuð til að fylla uppí smá bil á milli bílaparta sem eykur stífni bílanna, minnkar hljóð og gerir þá sterkari ef til árekstar kemur. Aukin stífni bílanna hefur aukið aksturshæfni þeirra og þeir þola betur óslétt undirlag. Sem dæmi um þá kosti sem notkun á þessari límgerð er í Cadillac GTS, sem er 40% stífari en forverinn og hefur fyrir vikið lést um 25 kíló.

Lím sem þessi eru einnig mikið notuð í flugvélasmíði og í farsíma. Af þekktum framleiðendum þessara líma eru Henkel, PPG og Atlas Copco og er Henkel þeirra stærst.