Tónleikum Dionne Warwick frestað

Af óviðráðanlegum orsökum verða tónleikar bandarísku söngkonunnar Dionne Warwick, sem fyrirhugaðir voru í Hörpu 19. júní, færðir til 10. júlí.

Aðstandendur tónleikanna og söngkonan sjálf biðja tónleikagesti velvirðingar á þeim óþægindum sem þetta kann að valda.

Þeir sem ekki geta sótt tónleikana þann 10. júlí geta fengið endurgreiðslu í miðasölu Hörpu.

Miðar á tónleikana eru nánast uppseldir en nokkur sæti eru laus á efstu svölum. Einnig verða seldir miðar í sæti samsíða sviðinu og fyrir aftan það.

Þeir sem telja sig hafa misst af miðum á tónleikana eru því hvattir til að fylgjast vel með á miðasöluvef Hörpu og á midi.is.