Þrír 500 hestafla Defender jeppar í Gumball

Ekki eru allir þátttökubílar í Gumball 3000 keppninni, sem hófst á sunnudaginn í Kaupmannahöfn, sportbílar. Breytingafyrirtækið Twisted er til að mynda með eina 3 Land Rover Defender 110 jeppa í henni. Þeir eru þó engir venjuleg landbúnaðartæki, eins og sjá má stundum á götum borgarinnar. Defender bílarnir eru mikið breyttir bílar með 500 hestafla vélar sem kreist hafa verið út úr LS3 vél.  

Bílarnir eiga mikið ferðalag fyrir höndum, en fyrst var ekið frá Hull að ferju við Ermasundið, 250 km leið. Þá tók við 825 km akstur til kaupmannahafnar, þar sem Gumball 3000 keppnin byrjaði. Þar tekur við 4.800 km akstur sem endar í Mónakó. Það er ekki bara vélar Defender bílanna sem hafa fengið væna yfirhalningu, en þeir eru með gerbreyttri fjöðrun og farþegar sitja í Recaro stólum.