Suzuki áreiðanlegastur

Suzuki er áreiðanlegasti bíllinn að mati þeirra sem gáfu bílum sínum einkunn á heimasíðu sænskrar útgáfu Auto Motor & Sport. Niðurstöðurnar eru kynntar í nýjasta tölublaði tímaritsins og eiga við um bíla sem eru fimm ára eða yngri. Alls lögðu 25.000 bíleigendur mat á sinn bíl á vef tímaritisins, www.automotorsport.se.

Fyrir tveimur árum birti tímaritið niðurstöður fyrir árin 2006-2010 og trónaði Lexus þá á toppnum yfir áreiðanlegustu bílana. Merkið fellur hins vegar um fimm sæti og er samkvæmt niðurstöðunni í 6. sæti nú. Niðurstöðurnar eru mældar á kvarða sem hæst getur orðið 100. Lexus féll úr 96 stigum í 93.

Efst trónir nú Suzuki sem fær einkunnina 97 og hækkaði sig um 5 stig frá fyrri könnun.

Á óvart kemur að Alfa Romeo, sem oft sleikir botninn í könnunum af þessu tagi, er í öðru sæti með 95 stig og hækkaði sig um 5 stig milli kannana eins og Mazda, sem er í þriðja sæti með 94 stig. Á botninum eru síðan Cadillac, Kia og Chevrolet. 

Fimm efstu: 2008–2012 
1. Suzuki 97 + 5 stig.
2. Alfa Romeo 95 + 5 stig.
3. Mazda 94 + 5 stig.
3. Mitsubishi 94 ± 0 stig.
3. Seat 94 + 7 stig. 

Fimm neðstu:
1. Cadillac 76 - 2 stig. 
2. Kia 81 - 5 stig.
3. Chevrolet 82 - 4 stig.
3. Volvo 82 + 6 stig.
5. Citroën 83 + 4 stig.