Tengdamömmuboxið er bátur

Hún er fjarri því að vera vitlaus þessi hugmynd að nýta lokið á farangursboxinu ofan á bílnum sem bát. Það finnst að minnsta kosti ekki því ástralska fyrirtæki sem framleiðir boxið/bátinn. Það hefur fengið nafnið Boatbox en er ekkert sérlega ódýrt. Það kostar 1.590 dollara, eða 190.000 krónur. Á móti kemur að rýmið í Boatbox er óvenju mikið, eða 23 rúmfet, en samt er boxið í heild ekki nema 20 kíló.

Boxinu fylgir líka árar og það er sérhannað til að rýma lítinn utanborðsmótor sem handhægur er þegar sjósett er. Á vatni þolir báturinn 175 kílóa hleðslu, svo tveir fullvaxta karlmenn geta skellt sér í siglingu á honum, en mega ekki veiða mjög vel á leiðinni.