Audi grafreitur nýlegra bíla

Verða líklega sendir í endurvinnslu en ekki seldir á afsláttarverði.

Bílar af gerðinni Audi sem runnið hafa út á leigusamningum standa í bunkum á gömlum flugvelli 100 kílómetrum norður af München. Margir þessara bíla eru ekki gamlir en hafa ekki verið seldir eða leigðir út til nýrra aðila. Mörgum þykir vafalaust grátlegt að horfa á marga af þessum eðalbílum verklausa og gætu alveg hugsað sér að minnka birgðirnar þó ekki væri um nema einn bíl.

En svona er veröldin skrítin, því söluumboð þessara bíla og Audi framleiðandinn kjósa einhverra hluta vegna frekar að selja glænýja bíla eða leigja nýja bíla út. Líklegustu örlög þessara bíla eru að verða sendir í endurvinnslu. Nokkuð grátlegt í ljósi þess hve nýjir og óslitnir þeir eru, en þá myndi líklega færri nýir bílar seljast og verð á varahlutum enn eldri bíla lækka.