Hægt að slíta upp fiska í norðangarra

Kuldatíðin setur verulegt strik í reikning veiðimanna nyrðra en slær þá samt ekki alveg út af laginu.

Þorsteinn Hafþórsson, leiðsögumaður á Blönduósi, segist halda að fáir veiðimenn séu að reyna fyrir þessa dagana á hans slóðum.

"Ég heyrði þó í einum sem gerði góða veiði í Blöndu," segir Þorsteinn. "Hann skrapp í fjóra tíma fyrir kuldakastið og fékk einn urriða sem var sirka fjögur pund og eina bleikju um þrjú pund. Svo fékk hann nokkra niðurgöngulaxa. Hann prófaði bara tvo staði."

Þorsteinn segir helming Hópsins enn hafa verið ísilagðan fyrir aðeins þremur dögum. Það séu flest önnur vatn á svæðinu meira og minna líka.

"Hnausatjörn er þó orðin auð orðin og þar er hægt að slíta upp fiska ef menn nenna að berja í norðan kuldanum," segir Þorsteinn Hafþórsson.