Frítt flugunámskeið fyrir 10. bekkinga Kristján Hjálmarsson skrifar 8. maí 2013 14:12 Unglingur að veiðum. Töluverður áhugi hefur verið á flugukastnámskeiðum unglinga á Akureyri. Mynd/Heimasíða SVAK Í tilefni af 10 ára afmæli Stangveiðifélags Akureyrar (SVAK) ætlar félagið að bjóða 10. bekkingum í öllum grunnskólum Akureyrar uppá frítt fluguveiðinámskeið í júnímánuði. Eitt af markmiðum félagsins er að efla áhuga barna og unglinga á stangveiði. "Námskeiðin eru hluti af því að styrkja unglingastarfið hjá okkur. Við höfum verið með svona unglinganámskeið í nokkur ár, annaðhvort sjálfir eða í samstarfi við aðra," segir Sævar Örn Hafsteinsson, varaformaður SVAK. Að sögn Sævars taka unglingarnir ágætlega í námskeiðin. "Eins og gefur að skilja eru það hins vegar foreldrarnir sem taka verst í þetta, það er að þarna sé komið enn eitt áhugamálið hjá unglingnum sem á kannski fyrir snjóbretti, trommusett eða eitthvað álíka," segir Sævar og hlær. "Annars hafa þessi námskeið fengið góða viðtöku og áhuginn fyrir þeim er mikill. Það veitir ekkert af að fá nýliðun inn í þessa blessuðu stétt." Átta námskeið standa unglingunum til boða og hefst það fyrsta þann 1. júní næstkomandi. Meðal kennara eru Erlendur Steinar og Pálmi Gunnarsson. Nánari upplýsingar um námskeiðið má finna á heimasíðu SVAK. Stangveiði Mest lesið Flottar stórlaxagöngur í Stóru Laxá Veiði Fjölskylduhátíð SVFR á föstudaginn Veiði Staðbundni urriðinn í Ytri Rangá í sókn Veiði Blanda komin í 3561 lax Veiði Fréttaskýring: Blikur á lofti í útboðsmálum Veiði Góður tími fyrir Krókinn í vötnunum núna Veiði Á að veiða eða sleppa Veiði Fín fyrsta helgi í rjúpu Veiði 20 laxar veiddust í Urriðafossi í gær Veiði Ekki henda girnisafgöngum við veiðistaðinn þinn Veiði
Í tilefni af 10 ára afmæli Stangveiðifélags Akureyrar (SVAK) ætlar félagið að bjóða 10. bekkingum í öllum grunnskólum Akureyrar uppá frítt fluguveiðinámskeið í júnímánuði. Eitt af markmiðum félagsins er að efla áhuga barna og unglinga á stangveiði. "Námskeiðin eru hluti af því að styrkja unglingastarfið hjá okkur. Við höfum verið með svona unglinganámskeið í nokkur ár, annaðhvort sjálfir eða í samstarfi við aðra," segir Sævar Örn Hafsteinsson, varaformaður SVAK. Að sögn Sævars taka unglingarnir ágætlega í námskeiðin. "Eins og gefur að skilja eru það hins vegar foreldrarnir sem taka verst í þetta, það er að þarna sé komið enn eitt áhugamálið hjá unglingnum sem á kannski fyrir snjóbretti, trommusett eða eitthvað álíka," segir Sævar og hlær. "Annars hafa þessi námskeið fengið góða viðtöku og áhuginn fyrir þeim er mikill. Það veitir ekkert af að fá nýliðun inn í þessa blessuðu stétt." Átta námskeið standa unglingunum til boða og hefst það fyrsta þann 1. júní næstkomandi. Meðal kennara eru Erlendur Steinar og Pálmi Gunnarsson. Nánari upplýsingar um námskeiðið má finna á heimasíðu SVAK.
Stangveiði Mest lesið Flottar stórlaxagöngur í Stóru Laxá Veiði Fjölskylduhátíð SVFR á föstudaginn Veiði Staðbundni urriðinn í Ytri Rangá í sókn Veiði Blanda komin í 3561 lax Veiði Fréttaskýring: Blikur á lofti í útboðsmálum Veiði Góður tími fyrir Krókinn í vötnunum núna Veiði Á að veiða eða sleppa Veiði Fín fyrsta helgi í rjúpu Veiði 20 laxar veiddust í Urriðafossi í gær Veiði Ekki henda girnisafgöngum við veiðistaðinn þinn Veiði