Svalur Nissan í Shanghai

Útlitið er talsvert svalara en undarlegt nafnið á honum.

Hann lítur mun betur út en nafnið segir til um og það tækist fáum öðrum en Japönum að búa til svo glatað nafn á bíl, en hann heitir Friend-Me og er nú sýndur á bílasýningunni í Shanghai í Kína.

Að utan er eins og hann sé formaður af öldum og línurnar ári flottar. Þessi bíll er í C-stærðarflokki og honum verður beint sérlega að Kínamarkaði, ekki síst að einbirniskynslóðinni sem stjórnvöldum í Kína hefur tekist að búa til með ströngum fæðingalögum. Sérstakt lakk bílsins á að stirna af á kvöldin og áhrif áberandi ljósa eiga að auka á gleðina og glæsileikann.

Ef til vill er bíllinn enn athygliverðari að innan en hann er með engan bita milli hurðanna og opnast hurðirnar í sitthvora áttina (suicide doors). Pláss er einungis fyrir fjóra og sætin öll eins. Allir farþegar hafa jafnan aðgang að tækniundrum bílsins og geta til að mynda allir hlaðið tónlist af símum sínum eða Ipod í hljóðkerfi bílsins. Með því vill Nissan eyða einokun einhvers eins á tónlist þeirri sem í bílnum er notið.