7 ára stal pabbabíl til að forðast kirkjuheimsókn

Ók faglega, virti stöðvunarskildu og lagði bílnum faglega fyrir utan heimili sitt.

Hann var frakkur pjakkurinn í Utah sem vildi alls ekki ganga til guðsþjónustu. Lögreglan var búinn að elta drenginn í nokkurn tíma og brá heldur betur í brún þegar hún sá hver gekk út úr bílnum fyrir utan eigið heimili. Hann var ekki hár í loftinu bílstjórinn sá og líklega sá yngsti sem þeir hafa haft afskipti af. Hann gaf þá skýringu á ökutúr sínum að með því hefði hann komist hjá því að fylgja foreldrum sínum til kirkju.

Lögreglan var ekki síður hissa á ökuhæfni piltsins, en hann hafði fulla stjórn á bílnum og endaði með því að leggja honum faglega fyrir utan heimili sitt. Einnig sagði hann að hann vildi fara hratt og það getur maður einmitt á bíl. Á ferð sinni virti hann stöðvunarskildu og fór aldrei hraðar en ríflega 60 kílómetra á klukkustund og var því ekki stöðvaður fyrir of mikinn hraða. Pilturinn verður ekki kærður en lögreglan benti föður hans á það að fela lyklana að bílnum betur í framtíðinni.