560 hestafla fjölskyldulangbakur Finnur Thorlacius skrifar 6. mars 2013 08:45 Sakleysislegur útlits en er aðeins 3,9 sekúndur í hundraðið. Yfirleitt eru bílar notendadrjúgir og kraftlitlir eða kraftmiklir og hafa lítið notendagildi. Það er þó alltaf gaman þegar birtast undantekningar frá því. Það á við Audi RS6 Avant bílinn sem kynntur er nú á bílasýningunni í Genf. Hann lítur út eins og hver annar saklaus stationbíll, heppilegur til að skutlast með krakkana í skólann og á æfingar. En þar fer úlfur í sauðagæru. Undir húddinu leynast 560 öskrandi hestöfl sem koma frá fjögurra lítra V8 vél sem sendir aflið til allra hjóla bílsins. Á leiðinni í skólann eða IKEA tekur hann sprettinn í hundraðið á 3,9 sekúndum og hámarkshraðinn er 305 km/klst. Helst eru það 21 tommu álfelgurnar sem koma upp um að þar fer meira en hefðbundinn notadrjúgur fjölskyldubíll. Hann er að auki með sérstökum loftinntökum, pústkerfi, keramikbremsum og stillanlegri loftpúðafjöðrun. Það er til vitnis um sífellt lækkandi eyðslutölur bílaframleiðendanna að þetta kraftatröll eyðir aðeins 9,8 lítrum á hundraðið í blönduðum akstri. Er það helst að þakka því að vélin slekkur á 4 strokkum af 8 þegar þeirra er ekki þörf og varlega er ekið. Einnig hjálpar það til að bíllinn er 100 kílóum léttari en forveri hans. Hljóðkerfi bílsins er frá Bang & Olufsen, 1.200 vött og með 15 hátölurum. Mest lesið Gripinn glóðvolgur í skjóli nætur við að tappa af bílnum Innlent Sagði sig úr þingmannahóp: „Ég læt ekki nota mig í slíkum tilgangi“ Innlent Hjólreiðamaður slasaður við Kerlingarfjöll Innlent „Í minningu sonar - og allra þeirra sem aldrei komu heim“ Innlent MBA-nemi kvartaði og kveinaði en beið lægri hlut Innlent Ung stúlka varð fyrir húsbíl og hljóp af vettvangi Innlent Óteljandi skiptin sem lögregla hefur þurft að vísa sömu mönnum út Innlent Segir afkomu hundraða ógnað með beinum hætti Innlent Deilur Repúblikana um Epstein-skjölin magnast enn Erlent Tóku tugi af lífi eftir að hafa fengið lausnarfé Erlent
Sakleysislegur útlits en er aðeins 3,9 sekúndur í hundraðið. Yfirleitt eru bílar notendadrjúgir og kraftlitlir eða kraftmiklir og hafa lítið notendagildi. Það er þó alltaf gaman þegar birtast undantekningar frá því. Það á við Audi RS6 Avant bílinn sem kynntur er nú á bílasýningunni í Genf. Hann lítur út eins og hver annar saklaus stationbíll, heppilegur til að skutlast með krakkana í skólann og á æfingar. En þar fer úlfur í sauðagæru. Undir húddinu leynast 560 öskrandi hestöfl sem koma frá fjögurra lítra V8 vél sem sendir aflið til allra hjóla bílsins. Á leiðinni í skólann eða IKEA tekur hann sprettinn í hundraðið á 3,9 sekúndum og hámarkshraðinn er 305 km/klst. Helst eru það 21 tommu álfelgurnar sem koma upp um að þar fer meira en hefðbundinn notadrjúgur fjölskyldubíll. Hann er að auki með sérstökum loftinntökum, pústkerfi, keramikbremsum og stillanlegri loftpúðafjöðrun. Það er til vitnis um sífellt lækkandi eyðslutölur bílaframleiðendanna að þetta kraftatröll eyðir aðeins 9,8 lítrum á hundraðið í blönduðum akstri. Er það helst að þakka því að vélin slekkur á 4 strokkum af 8 þegar þeirra er ekki þörf og varlega er ekið. Einnig hjálpar það til að bíllinn er 100 kílóum léttari en forveri hans. Hljóðkerfi bílsins er frá Bang & Olufsen, 1.200 vött og með 15 hátölurum.
Mest lesið Gripinn glóðvolgur í skjóli nætur við að tappa af bílnum Innlent Sagði sig úr þingmannahóp: „Ég læt ekki nota mig í slíkum tilgangi“ Innlent Hjólreiðamaður slasaður við Kerlingarfjöll Innlent „Í minningu sonar - og allra þeirra sem aldrei komu heim“ Innlent MBA-nemi kvartaði og kveinaði en beið lægri hlut Innlent Ung stúlka varð fyrir húsbíl og hljóp af vettvangi Innlent Óteljandi skiptin sem lögregla hefur þurft að vísa sömu mönnum út Innlent Segir afkomu hundraða ógnað með beinum hætti Innlent Deilur Repúblikana um Epstein-skjölin magnast enn Erlent Tóku tugi af lífi eftir að hafa fengið lausnarfé Erlent