Lagerfeld ekki hrifin

Það hafa fáar klippingar fengið jafn mikla athygli og þegar forsetafrú Bandaríkjana, Michelle Obama, lét klippa á sig topp fyrir stuttu. Toppurinn hefur verið mikið á milli tannanna á helstu tískumiðlum, en yfirhönnuður Chanel og tískugoðið Karl Lagerfeld lét nýlega hafa eftir sér í viðtali við franska sjónvarpsstöð að honum þætti toppurinn hafa verið mjög slæm hugmynd.

,,Ég skil ekki þessa breytingu. Ég dái og dýrka frú Obama, en hún lítur satt best að segja út eins og fréttalesari með þessa klippingu. Þetta fer henni alls ekki, toppurinn var mjög slæm hugmynd", sagði Lagerfeld um málið.