Raf olli ekki vonbrigðum

Hönnuðurinn Raf Simons þótti standa sig með prýði þegar hann frumsýndi fyrstu hátískulínu sína á tískuvikunni í París. Simons tók við sem yfirhönnuður Dior tískuhússins eftir að John Galliano lét af störfum.

Simons sótti greinilega innblástur til New Look-línu Christian Dior og hins fræga Bar-jakka er hann hannaði línu sína. Aðdáendur hönnuðarins sögðu hann með þessu hafa fært tískuhúsið inn í nýja öld og nýja og spennandi tíma og að með hönnun sinni væri hann að skapa nýjar leiðir innan hátískunnar.