Aftur til 1997 Haukur Viðar Alfreðsson skrifar 30. maí 2012 10:00 Bíó. Men in Black 3. Leikstjórn: Barry Sonnenfeld. Leikarar: Will Smith, Tommy Lee Jones, Josh Brolin, Jemaine Clement, Michael Stuhlbarg, Emma Thompson, Will Arnett. Árið 1997 sló kvikmyndin Men in Black rækilega í gegn, en þar fylgdumst við með leyniþjónustumönnunum J (Will Smith) og K (Tommy Lee Jones) lenda í ýmsum ævintýrum og nokkrum árum síðar kom framhaldsmyndin, Men in Black 2, sem naut einnig vinsælda. Síðan er liðinn heill áratugur og þessar geðþekku persónur hafa fallið í gleymskunnar dá. Í þriðju myndinni, sem kemur nú eins og skrattinn úr sauðaleggnum, sleppur illræmdi morðinginn Boris skepna úr fangelsi á tunglinu og ferðast með tímavél aftur til ársins 1969 þar sem hann kemur K fyrir kattarnef, rétt áður en hann stingur Boris í steininn. Þegar J fær fregnir af því að félagi hans hafi dáið fyrir rúmlega 40 árum eltir hann skepnuna til 7. áratugarins og reynir að breyta atburðarásinni, og fær að lokum hjálp frá sjálfum K sem ungum manni (Josh Brolin). Þristurinn er skemmtileg viðbót við seríuna og er betri framhaldsmynd en önnur myndin. Will Smith er fæddur í sitt hlutverk og töffaraskapur Tommy Lee Jones hefur ekkert minnkað þó leikarinn sé nú á sjötugsaldri. Josh Brolin er ótrúlegur sem hinn ungi K og nær töktum persónunnar svo vel að á köflum grunaði mig að einhver tölvubrögð væru í tafli, en svo er víst ekki. Ég á erfitt með að setja mig í spor áhorfenda sem ekki hafa séð fyrri myndirnar, en fyrir okkur sem þekkjum persónurnar og sögusviðið er Men in Black 3 prýðileg skemmtun. Brellurnar eru flottar og þrívíddin óvenju safarík, en það er húmorinn og léttleikinn sem gleðja mest. En ekki hvað? Það hefði þó alveg mátt dusta rykið af gamla titillaginu. Allavega hafði ég búið mig undir að gerast jiggy með ferska prinsinum. Niðurstaða: Afbragðs tímaflakk. Svartklæddu mennirnir hafa engu gleymt. Mest lesið „En áttu ekki dóttur?“ Lífið „Það er ekkert sem læknar þetta alveg“ Lífið Stjörnulífið: Tatiana og Ragnar í kastala í Frakklandi Lífið Stjörnufans og forsetar á Rauðu myllunni Lífið Ung, upprennandi og sjóðheit stjarna á lausu Lífið Verður aðalnúmer hálfleikssýningar Ofurskálarinnar Lífið Hneig niður í miðju lagi Tónlist Egill og Thelma eiga von á sínu öðru barni Lífið Gjaldþrot Play setur RIFF úr skorðum: „Þetta kemur á versta tíma“ Lífið Boðaði vinkonurnar í bústað eftir að hafa upplifað Tinder á sterum Lífið Fleiri fréttir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Sjá meira
Bíó. Men in Black 3. Leikstjórn: Barry Sonnenfeld. Leikarar: Will Smith, Tommy Lee Jones, Josh Brolin, Jemaine Clement, Michael Stuhlbarg, Emma Thompson, Will Arnett. Árið 1997 sló kvikmyndin Men in Black rækilega í gegn, en þar fylgdumst við með leyniþjónustumönnunum J (Will Smith) og K (Tommy Lee Jones) lenda í ýmsum ævintýrum og nokkrum árum síðar kom framhaldsmyndin, Men in Black 2, sem naut einnig vinsælda. Síðan er liðinn heill áratugur og þessar geðþekku persónur hafa fallið í gleymskunnar dá. Í þriðju myndinni, sem kemur nú eins og skrattinn úr sauðaleggnum, sleppur illræmdi morðinginn Boris skepna úr fangelsi á tunglinu og ferðast með tímavél aftur til ársins 1969 þar sem hann kemur K fyrir kattarnef, rétt áður en hann stingur Boris í steininn. Þegar J fær fregnir af því að félagi hans hafi dáið fyrir rúmlega 40 árum eltir hann skepnuna til 7. áratugarins og reynir að breyta atburðarásinni, og fær að lokum hjálp frá sjálfum K sem ungum manni (Josh Brolin). Þristurinn er skemmtileg viðbót við seríuna og er betri framhaldsmynd en önnur myndin. Will Smith er fæddur í sitt hlutverk og töffaraskapur Tommy Lee Jones hefur ekkert minnkað þó leikarinn sé nú á sjötugsaldri. Josh Brolin er ótrúlegur sem hinn ungi K og nær töktum persónunnar svo vel að á köflum grunaði mig að einhver tölvubrögð væru í tafli, en svo er víst ekki. Ég á erfitt með að setja mig í spor áhorfenda sem ekki hafa séð fyrri myndirnar, en fyrir okkur sem þekkjum persónurnar og sögusviðið er Men in Black 3 prýðileg skemmtun. Brellurnar eru flottar og þrívíddin óvenju safarík, en það er húmorinn og léttleikinn sem gleðja mest. En ekki hvað? Það hefði þó alveg mátt dusta rykið af gamla titillaginu. Allavega hafði ég búið mig undir að gerast jiggy með ferska prinsinum. Niðurstaða: Afbragðs tímaflakk. Svartklæddu mennirnir hafa engu gleymt.
Mest lesið „En áttu ekki dóttur?“ Lífið „Það er ekkert sem læknar þetta alveg“ Lífið Stjörnulífið: Tatiana og Ragnar í kastala í Frakklandi Lífið Stjörnufans og forsetar á Rauðu myllunni Lífið Ung, upprennandi og sjóðheit stjarna á lausu Lífið Verður aðalnúmer hálfleikssýningar Ofurskálarinnar Lífið Hneig niður í miðju lagi Tónlist Egill og Thelma eiga von á sínu öðru barni Lífið Gjaldþrot Play setur RIFF úr skorðum: „Þetta kemur á versta tíma“ Lífið Boðaði vinkonurnar í bústað eftir að hafa upplifað Tinder á sterum Lífið Fleiri fréttir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Sjá meira