Harmsaga kynlífsfíkils Haukur Viðar Alfreðsson skrifar 15. febrúar 2012 20:00 Bíó. Shame. Leikstjórn: Steve McQueen. Leikarar: Michael Fassbender, Carey Mulligan, Nicole Beharie, James Badge Dale, Hannah Ware. Brandon er virkur kynlífsfíkill á fertugsaldri, búsettur á Manhattan-eyju New York-borgar. Hann skoðar klám í vinnunni, kaupir þjónustu vændiskvenna og afklæðir ókunnugar konur með augunum í neðanjarðarlestinni. Hann samþykkir að hýsa litlu systur sína tímabundið en samband þeirra er stormasamt og virðist hafa verið það um nokkuð skeið. Fíkn Brandons verður sterkari og samskipti systkinanna verða stirðari með degi hverjum. Shame er mögnuð mynd og varpar ljósi á þennan vægast sagt hvimleiða kvilla sem kynlífsfíkn er. Michael Fassbender kemur sálarangist aðalpersónunnar vel til skila. Fyrrnefndur Brandon er myndarlegur og virðist eiga nóg af peningum, og á köflum minnir hann jafnvel á sjálfan Patrick Bateman úr American Psycho, en raskanirnar eru þó ekki af jafn alvarlegum toga. Það er samt brjóstumkennanlegt að fylgjast með manni sem nær honum ekki upp með manneskju sem hann heillast af, og kýs því frekar að kaupa sér kynlíf með ókunnugu fólki. Þessa raunsæju harmsögu segir leikstjórinn með löngum atriðum sem sum reyna jafnvel á þolinmæðina. Hann gætir þess að tyggja ekki upplýsingar ofan í áhorfendur sína og leyfir þeim oft að draga eigin ályktanir. Senurnar með systkinunum eru hlaðnar spennu og í loftinu er óþægileg orka sem gefur óljósar vísbendingar um hörmungar fortíðar og uppgjör framtíðar. Þetta er allt gífurlega vel gert og McQueen er kominn á blað sem einn af mest spennandi nýju leikstjórum kvikmyndanna. Niðurstaða: Hugrökk mynd sem gleymist ekki í bráð. Mest lesið „En áttu ekki dóttur?“ Lífið „Það er ekkert sem læknar þetta alveg“ Lífið Stjörnulífið: Tatiana og Ragnar í kastala í Frakklandi Lífið Verður aðalnúmer hálfleikssýningar Ofurskálarinnar Lífið Hneig niður í miðju lagi Tónlist Ung, upprennandi og sjóðheit stjarna á lausu Lífið Egill og Thelma eiga von á sínu öðru barni Lífið Boðaði vinkonurnar í bústað eftir að hafa upplifað Tinder á sterum Lífið Stjörnufans og forsetar á Rauðu myllunni Lífið Selena Gomez giftist Benny Blanco Lífið Fleiri fréttir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Sjá meira
Bíó. Shame. Leikstjórn: Steve McQueen. Leikarar: Michael Fassbender, Carey Mulligan, Nicole Beharie, James Badge Dale, Hannah Ware. Brandon er virkur kynlífsfíkill á fertugsaldri, búsettur á Manhattan-eyju New York-borgar. Hann skoðar klám í vinnunni, kaupir þjónustu vændiskvenna og afklæðir ókunnugar konur með augunum í neðanjarðarlestinni. Hann samþykkir að hýsa litlu systur sína tímabundið en samband þeirra er stormasamt og virðist hafa verið það um nokkuð skeið. Fíkn Brandons verður sterkari og samskipti systkinanna verða stirðari með degi hverjum. Shame er mögnuð mynd og varpar ljósi á þennan vægast sagt hvimleiða kvilla sem kynlífsfíkn er. Michael Fassbender kemur sálarangist aðalpersónunnar vel til skila. Fyrrnefndur Brandon er myndarlegur og virðist eiga nóg af peningum, og á köflum minnir hann jafnvel á sjálfan Patrick Bateman úr American Psycho, en raskanirnar eru þó ekki af jafn alvarlegum toga. Það er samt brjóstumkennanlegt að fylgjast með manni sem nær honum ekki upp með manneskju sem hann heillast af, og kýs því frekar að kaupa sér kynlíf með ókunnugu fólki. Þessa raunsæju harmsögu segir leikstjórinn með löngum atriðum sem sum reyna jafnvel á þolinmæðina. Hann gætir þess að tyggja ekki upplýsingar ofan í áhorfendur sína og leyfir þeim oft að draga eigin ályktanir. Senurnar með systkinunum eru hlaðnar spennu og í loftinu er óþægileg orka sem gefur óljósar vísbendingar um hörmungar fortíðar og uppgjör framtíðar. Þetta er allt gífurlega vel gert og McQueen er kominn á blað sem einn af mest spennandi nýju leikstjórum kvikmyndanna. Niðurstaða: Hugrökk mynd sem gleymist ekki í bráð.
Mest lesið „En áttu ekki dóttur?“ Lífið „Það er ekkert sem læknar þetta alveg“ Lífið Stjörnulífið: Tatiana og Ragnar í kastala í Frakklandi Lífið Verður aðalnúmer hálfleikssýningar Ofurskálarinnar Lífið Hneig niður í miðju lagi Tónlist Ung, upprennandi og sjóðheit stjarna á lausu Lífið Egill og Thelma eiga von á sínu öðru barni Lífið Boðaði vinkonurnar í bústað eftir að hafa upplifað Tinder á sterum Lífið Stjörnufans og forsetar á Rauðu myllunni Lífið Selena Gomez giftist Benny Blanco Lífið Fleiri fréttir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Sjá meira