Norðurá fer í útboð

Veiðiréttareigendur við Norðurá ætla að setja ána í formlegt útboð. Þetta kemur fram á fréttavefnum Skessuhorni.

Eins og kunnugt er ákvaðu veiðiréttareigendur og Stangaveiðifélag Reykjavíkur á dögunum að binda endi á 66 ára óslitið samstarf sitt í jkjölfar þess að ekki náðist samkomulag um lækkun áður ákveðinnar árleigu fyrir næsta sumar. Óformlegar þreifingar um framhaldið hafa staðið síðan við tvo aðila en nú hafa veiðiréttareigendurnir sem sagt ákveðið að fara í útboð.

Skessuhorn hefur eftir Birnu G Konráðsdóttur, formanni Veiðifélags Norðurár, að stjórn félagsins hafi verið falið á miðvikidag að vinna að útboðsgögnum fyrir ána og kynna þau eins fljótt og verða megi.

gar@frettabladid.is