Veiðir ufsa á flugustöng við Ægissíðuna

Sífellt færist í vöxt að menn stundi strandveiði með kaststöngum, nú eða flugustöngum. Við Ægissíðuna er hægt að veiða ufsa og fleiri tegundir.

Æ fleiri hafa áhuga á að stunda strandstangveiði. Í sumar mátti sjá fjölda fólks kasta á makríltorfur sem gengu nánast upp á land. Á umræðuvefnum veidi.is er fjallað um strandstangveiði. Þar kemur ýmislegt fróðlegt í ljós. Meðal annars að klukkutíma fyrir háflóð er oft fín ufsaveiði við grjótgarð sem liggur við Ægissíðu og Faxaskjól vestur í bæ. Veiðimaðurinn sem segir frá þessu segist veiða ufsann á straumflugur og nota stöng fyrir línu númer sex. Annar veiðimaður segir að í lítilli vík við Laugarnestangann kraumi allt af fiski á kvöldin.

Hér er kort af þekktum strandveiðistöðum.

trausti@frettabladid.is