Stóra Laxá III: 16 laxar á níu tímum!

Haustævintýrin eru að hellast yfir veiðimenn í Stóru Laxá í Hreppum. Á agn.is segir frá því að stórlax sé að veiðast um alla á, en alls staðar er prýðileg veiði.

Hins vegar verður að viðurkennast að ævintýri veiðimanna á svæði III eru meira en væntingar stóðu til en holl sem hóf veiðar klukkan sjö í gærkvöldi var búið að landa 16 löxum í hádeginu í dag. Aðeins er veitt á tvær stangir á þessu minnsta veiðisvæði Stóru Laxár, svo veiðin er með ólíkindum.

Síðustu þrjár vaktir á svæði I&II hafa gefið um 30 laxa. Á svæði IV er fiskur vel dreifður og menn hafa sett í hann víða á undanförnum dögum, segir í fréttinni.

svavar@frettabladid.is