Stóra Laxá í Hreppum: Tíu laxar á Pallinum

Lax-ármenn skruppu upp á svæði 4 í Stóru Laxá í Hreppum á dögunum til að laga merkingar á veiðistöðum, og sinna öðrum árlegum verkum. Við þá iðju sást mikið af laxi á frægum veiðistöðum, eins og má lesa á vefsíðu leigutakans lax-a.is.

Töldu menn tíu laxa á Pallinum, þrjá laxa í Klaufinni, og þar af einn boltafisk, tveir laxar sáust á Hólmabreiðu og tveir á veiðistaðnum Skerinu.

Að sögn er gott vatn í Stóru Laxá og verður spennandi að sjá hvernig veiðist í opnuninni á morgun.

svavar@frettabladid.is