Opnuðu Laxá með 550 urriðum

Þeir sem opnuðu Laxá í Mývatnssveit og Laxárdal fengu 550 urriða; 350 í Mývatnssveitinni og hátt í annað hundrað komu úr Laxárdalnum. Fiskurinn er vænn þetta árið, eins og sagt er frá á heimasíðu SVFR.

Í fréttinni er haft eftir Bjarna Höskuldssyni, umsjónarmanni SVFR við ána, að menn fóru ánægðir úr hlaði eins og venjulega úr opnunarhollinu. Blíðskaparveður var við veiðarnar og urriðinn byrjaður að taka í yfirborðinu. Þó var vatn með meira móti og einmitt var það sennilega þess vegna sem straumfluguveiði var meiri nú en undanfarin ár. Þó voru púpurnar langsamlega sterkastar.

Stærstu urriðarnir voru 68 sentimetrar af Geirastöðum í Mývatnssveit, en í Laxárdalnum var stærstur 64 sentimetra urriði við Kletthólma. Veitt er á 24 stangir svo meðalveiði á stöng er 22 urriðar.

Nokkuð er af lausum veiðileyfum í Laxárdal næstu daga.