Fjórir komu í land á Blöndu í morgun

Veiði í Blöndu gekk með miklum ágætum í morgun og náðu veiðimenn fjórum löxum á land.

Stefán Páll Ágústsson, hjá Lax-Á, segir að auk þess að ná fjórum löxum hafi veiðimenn misst þrjá, sem ýmist losnuðu af eða slitu sig lausa. Laxarnir veiddust í Damminum og á Breiðunni. Sá stærsti var um 15 pund. Í gær veiddust 10 laxar í Blöndu og eftir einn og hálfan dag er heildarveiðin því komin í 14 laxa.

Veiðivísir mun í kvöld upplýsa hvernig kvöldvaktin gekk í Blöndu. Fylgist því vel með.