Biðin á enda | Úrslitakeppni N1-deildar karla hefst í kvöld

Úrslitakeppni N1-deildar karla hefst loksins í kvöld þegar Akureyri sækir Íslandsmeistara FH heim. Á morgun mætast síðan Haukar og HK.

Sú nýbreytni er á úrslitakeppninni í ár að nú þarf að vinna þrjá leiki í undanúrslitarimmunum til þess að komast í úrslit. Fannst mörgum gamla fyrirkomulagið heldur snubbótt en þá þurfti aðeins að vinna tvo leiki.

Handknattleiksáhugamenn eru búnir að bíða lengi eftir úrslitakeppninni í N1-deild karla enda lauk deildarkeppninni fyrir tæpum þrem vikum síðan.

Leikur FH og Akureyrar hefst klukkan 19.00 og er hann í beinni útsendingu á sporttv.is.