Gnúsi Yones með nýtt efni í Vasadiskó

Tónlistarmaðurinn Gnúsi Yones verður gestur útvarpsþáttarins Vasadiskó núna á sunnudag. Gnúsi hefur átt blómlegan feril í um tvo áratugi en hann kom fyrst fram með hip-hop sveitinni Subteranean. Síðan þá hefur hann starfað undir nöfnunum Maximum, EarMax, Nagmús og 32C en síðustu misseri hefur hann gefið út tónlist undir nafninu Gnúsi Yones. Hann gaf út tvö lög í fyrra, Fullkomin ruglkona og Tvær í takinu, sem bæði eru vinsæl á klúbbum höfuðborgarinnar og á Youtube. Hann var Emmsjé Gauta einnig innan handar á frumraun hans frá því í fyrra. Nýverið hefur hann róað á ný mið sem liðsmaður reggae sveitarinnar Amaba Dama en sveitin gaf nýverið út lagið Baldursbrá sem spáð er nokkrum vinsældum á komandi viikum. Gnúsi Yones mæltir i liðinn Selebb shuffle þar sem hann tengir mp3 safn í græjurnar og ýtir á shuffle. Einnig hefur hann lofað þáttastjórnanda að spila eitthvað nýtt og áður óheyrt efni sem hann á tilbúið. Nú er bara spurning hvort það verði af hans eigin sólóverkefni eða með reggaesveitinni Amaba Dama sem margir heyrði fyrst í þegar þau gerðu frábæra útgáfu af laginu Týnda kynslóðin sem Bjartmar Gunnlaugsson samdi. Vasadiskó er á dagskrá X-sins 977 á sunnudögum frá kl. 15 - 17. Fylgist með á Fésbókinni.