Ný tíutomma í safnið Trausti Júlíusson skrifar 15. febrúar 2011 00:01 Heavy Experience. Tónlist The Heavy Experience með The Heavy Experience Þessi fyrsta plata hljómsveitarinnar Heavy Experience er um margt óvenjuleg. Í fyrsta lagi er þetta er tíu tommu vínylplata, en þær eru afar sjaldgæfar í seinni tíð. Tíutommurnar fengu alltaf sérstakan sess í plötusafninu á þeim tíma þegar vínyllinn var allsráðandi. Iður til fóta með Þey var t.d. tíutomma og Tórt verður til trallsins með Stuðmönnum. Í öðru lagi er þetta instrúmental rokkplata. Hún er tveggja laga, en samt hátt í tuttugu mínútur að lengd. The Heavy Experience er fimm manna sveit, skipuð tveimur gítarleikurum, bassaleikara, trommuleikara og saxófónleikara. Tónlistin er hæggeng, þung og innlifunarkennd. Lögin eru byggð upp í ákveðinn hápunkt og fjara svo rólega út aftur. Það er auðheyrt að menn eru ekkert að flýta sér að rumpa þeim af. Gítartónarnir dragast iðulega á langinn og fá að hljóma óáreittir svo að stundum verða úr hálfgerðar drunur. Saxófónninn leikur svo frjálslega yfir öllu saman og setur skemmtilegan svip á útkomuna. Eins og áður segir eru tvö lög á plötunni. Bæði góð, en það fyrra Bad Temper, Bloody Sun er sýnu betra. Snilldarlag. Hljómur plötunnar er fínn og skilar tónlistinni vel, þó að eflaust sé ennþá sterkari upplifun að heyra þessa tónlist á tónleikum. Á heildina litið flott frumsmíð frá hljómsveit sem spennandi verður að fylgjast með í framtíðinni. Niðurstaða: Fín innlifun frá Heavy Experience. Mest lesið Allt ætlaði um koll að keyra í Borgarleikhúsinu Lífið Tók sex ólíka stera fyrir hjartastoppið: „Þannig ég segi nei við sterum“ Lífið Segir Candy hafa séð að faðir hans væri „skrímsli“ á undan öðrum Lífið Balta bregst bogalistin Gagnrýni Glæsibústaðir yfir hundrað milljónum Lífið Glæsihöll Livar og Sverris á Arnarnesi til sölu Lífið Eldgos og elskhugar á frumsýningu Eldanna Lífið „Stolt af því að hafa ekki gefist upp á sjálfri mér“ Lífið Hætti að þurfa að ryksuga upp hárin eftir hverja sturtu Lífið samstarf Yfir sig ástfangin og býr bæði á Spáni og Íslandi Lífið Fleiri fréttir Balta bregst bogalistin Þú heyrðir rétt: klassík getur verið skemmtileg Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Sjá meira
Tónlist The Heavy Experience með The Heavy Experience Þessi fyrsta plata hljómsveitarinnar Heavy Experience er um margt óvenjuleg. Í fyrsta lagi er þetta er tíu tommu vínylplata, en þær eru afar sjaldgæfar í seinni tíð. Tíutommurnar fengu alltaf sérstakan sess í plötusafninu á þeim tíma þegar vínyllinn var allsráðandi. Iður til fóta með Þey var t.d. tíutomma og Tórt verður til trallsins með Stuðmönnum. Í öðru lagi er þetta instrúmental rokkplata. Hún er tveggja laga, en samt hátt í tuttugu mínútur að lengd. The Heavy Experience er fimm manna sveit, skipuð tveimur gítarleikurum, bassaleikara, trommuleikara og saxófónleikara. Tónlistin er hæggeng, þung og innlifunarkennd. Lögin eru byggð upp í ákveðinn hápunkt og fjara svo rólega út aftur. Það er auðheyrt að menn eru ekkert að flýta sér að rumpa þeim af. Gítartónarnir dragast iðulega á langinn og fá að hljóma óáreittir svo að stundum verða úr hálfgerðar drunur. Saxófónninn leikur svo frjálslega yfir öllu saman og setur skemmtilegan svip á útkomuna. Eins og áður segir eru tvö lög á plötunni. Bæði góð, en það fyrra Bad Temper, Bloody Sun er sýnu betra. Snilldarlag. Hljómur plötunnar er fínn og skilar tónlistinni vel, þó að eflaust sé ennþá sterkari upplifun að heyra þessa tónlist á tónleikum. Á heildina litið flott frumsmíð frá hljómsveit sem spennandi verður að fylgjast með í framtíðinni. Niðurstaða: Fín innlifun frá Heavy Experience.
Mest lesið Allt ætlaði um koll að keyra í Borgarleikhúsinu Lífið Tók sex ólíka stera fyrir hjartastoppið: „Þannig ég segi nei við sterum“ Lífið Segir Candy hafa séð að faðir hans væri „skrímsli“ á undan öðrum Lífið Balta bregst bogalistin Gagnrýni Glæsibústaðir yfir hundrað milljónum Lífið Glæsihöll Livar og Sverris á Arnarnesi til sölu Lífið Eldgos og elskhugar á frumsýningu Eldanna Lífið „Stolt af því að hafa ekki gefist upp á sjálfri mér“ Lífið Hætti að þurfa að ryksuga upp hárin eftir hverja sturtu Lífið samstarf Yfir sig ástfangin og býr bæði á Spáni og Íslandi Lífið Fleiri fréttir Balta bregst bogalistin Þú heyrðir rétt: klassík getur verið skemmtileg Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Sjá meira