Brotið blað um jól

Jón Víðis Jakobsson hjá Origami Ísland segir einfalt að útbúa fallegt jólaskraut og jólakort með origami. Fjölskyldan geti hjálpast að og átt notalega föndurstund á aðventunni.

Nánast allur pappír hentar í origami. Formin geta verið mörg og misjafnlega flókin en þetta þríhyrningsform ættu flestir að ráða við, krakkarnir líka," segir Jón Víðis Jakobsson hjá Origami Íslandi.

Þríhyrningnum er hægt að raða saman í einföld lítil jólatré og kransa sem má hengja á tré eða líma á jólakort. „Fyrir þá sem treysta sér til er svo hægt að raða í flóknari form eins og standandi jólatré, sveina og stafi og sleppa hugmyndafluginu lausu."

Origami Ísland býður upp á ókeypis aðstoð í origami þriðja sunnudag hvers mánaðar í Aðalsafni Borgar­bókasafnsins við Tryggvagötu, næst hinn 20. janúar. - rat

Föndur sem flestir ráða við

Þríhyrningum raðað í krans.

Jólatré úr þrem til fjórum þríhyrningum límd á kort.

Jólastafur samsettur úr fleiri umferðum.

Flóknari samsetning fyrir þolinmóða.