Annað sjónarhorn Trausti Júlíusson skrifar 14. desember 2011 06:00 Tónlist. Aðför að lögum. Megas og strengir Aðför að lögum hefur að geyma tólf Megasarlög í nýjum útsetningum eftir Þórð Magnússon, son Megasar. Eins og nafn flytjanda á plötuumslaginu gefur til kynna eru þetta útsetningar fyrir strengjasveit sem er skipuð tveimur fiðluleikurum, víóluleikara, sellóleikara og kontrabassaleikara. Allt topp hljóðfæraleikarar. Þegar þessi dagskrá var frumflutt í Háskólabíói á Listahátíð í Reykjavík í maí 2010 varð ég fyrir smá vonbrigðum. Útsetningarnar gripu mig ekki sérstaklega við fyrstu hlustun og mér fannst Megas á köflum hikandi og óöruggur í söngnum. Mig grunaði samt að þetta væri efni sem gæti komið vel út á plötu. Og það gekk eftir. Lögin á Aðför eru bæði af gömlum og nýrri Megasarplötum. Útsetningarnar eru mjög ólíkar frumútgáfunum, sem er auðvitað mikill kostur ef menn eru á annað borð að gefa gömul lög út á nýjan leik. Með strengjasveit má bæði framkalla drunga og dramatík og léttleika, og fegurð og útsetningar Þórðar gera þetta allt, þó að það fari kannski minnst fyrir léttleikanum. Það er helst í Tveimur stjörnum og Jólanáttburði. Útsetningarnar eru margar mjög flottar. Í uppáhaldi hjá mér eru Silfurskotturnar hafa sungið fyrir mig, Nóttin hefur níðst á mér, Heill, Tvær stjörnur og Gamli sorrí Gráni, sem er gjörbreytt. Á heildina litið er þetta flott plata með allt öðruvísi útsetningum af gömlum lögum. Þær koma ekki í staðinn fyrir upprunalegu útsetningarnar og spurningin er ekki hvort þær eru betri eða verri. Þetta er einfaldlega ný nálgun, annað sjónarhorn. Niðurstaða: Gömul Megasarlög í gjörbreyttum útgáfum. Lífið Mest lesið Sigmundur og hvolpurinn gleðjast yfir fylgi Miðflokksins Lífið „Það braut ísinn að við hefðum deitað sama gaurinn“ Lífið Krakkatían: Ber, forsetar og prinsessur Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Ólafur Ragnar skellti sér á sæþotu eftir langan dag Lífið Karlmennskuhlaðvarpið heyrir sögunni til Lífið Gómsætar haustkökur að hætti Elenoru Lífið Skrúfaði titrarann í sundur til að forða nágrönnum frá ónæði Lífið Fréttatía vikunnar: Körfubolti, laxaastmi og stýrivextir Lífið Fleiri fréttir Speak No Evil: Pabbi er ekki með fulle fem Maður þurfti ekki að vera skyggn Melódrama, morð og hæfilega mikið bótox Sunna Gunnlaugs í skugga karlrembu á djasshátíð Sjá meira
Tónlist. Aðför að lögum. Megas og strengir Aðför að lögum hefur að geyma tólf Megasarlög í nýjum útsetningum eftir Þórð Magnússon, son Megasar. Eins og nafn flytjanda á plötuumslaginu gefur til kynna eru þetta útsetningar fyrir strengjasveit sem er skipuð tveimur fiðluleikurum, víóluleikara, sellóleikara og kontrabassaleikara. Allt topp hljóðfæraleikarar. Þegar þessi dagskrá var frumflutt í Háskólabíói á Listahátíð í Reykjavík í maí 2010 varð ég fyrir smá vonbrigðum. Útsetningarnar gripu mig ekki sérstaklega við fyrstu hlustun og mér fannst Megas á köflum hikandi og óöruggur í söngnum. Mig grunaði samt að þetta væri efni sem gæti komið vel út á plötu. Og það gekk eftir. Lögin á Aðför eru bæði af gömlum og nýrri Megasarplötum. Útsetningarnar eru mjög ólíkar frumútgáfunum, sem er auðvitað mikill kostur ef menn eru á annað borð að gefa gömul lög út á nýjan leik. Með strengjasveit má bæði framkalla drunga og dramatík og léttleika, og fegurð og útsetningar Þórðar gera þetta allt, þó að það fari kannski minnst fyrir léttleikanum. Það er helst í Tveimur stjörnum og Jólanáttburði. Útsetningarnar eru margar mjög flottar. Í uppáhaldi hjá mér eru Silfurskotturnar hafa sungið fyrir mig, Nóttin hefur níðst á mér, Heill, Tvær stjörnur og Gamli sorrí Gráni, sem er gjörbreytt. Á heildina litið er þetta flott plata með allt öðruvísi útsetningum af gömlum lögum. Þær koma ekki í staðinn fyrir upprunalegu útsetningarnar og spurningin er ekki hvort þær eru betri eða verri. Þetta er einfaldlega ný nálgun, annað sjónarhorn. Niðurstaða: Gömul Megasarlög í gjörbreyttum útgáfum.
Lífið Mest lesið Sigmundur og hvolpurinn gleðjast yfir fylgi Miðflokksins Lífið „Það braut ísinn að við hefðum deitað sama gaurinn“ Lífið Krakkatían: Ber, forsetar og prinsessur Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Ólafur Ragnar skellti sér á sæþotu eftir langan dag Lífið Karlmennskuhlaðvarpið heyrir sögunni til Lífið Gómsætar haustkökur að hætti Elenoru Lífið Skrúfaði titrarann í sundur til að forða nágrönnum frá ónæði Lífið Fréttatía vikunnar: Körfubolti, laxaastmi og stýrivextir Lífið Fleiri fréttir Speak No Evil: Pabbi er ekki með fulle fem Maður þurfti ekki að vera skyggn Melódrama, morð og hæfilega mikið bótox Sunna Gunnlaugs í skugga karlrembu á djasshátíð Sjá meira