Gæsin seinna á ferð í ár 22. september 2011 04:00 Róbert er þaulvanur veiðimaður og veit að miklu skiptir að vera rétt útbúinn. Á túnveiði verður veiðimaðurinn að falla inn í umhverfið, annars sest gæsin ekki.Mynd/róbert Schmidt Gæsin er um það bil mánuði seinna á ferð en venjulega í hefðbundnum haustundirbúningi sínum. Veiðitímabilið hófst 20. ágúst en þá var enn mikið af ungum á heiðum og gæsin var lítið farin að hópa sig niður á láglendið. Róbert Schmidt veiðimaður segir að gæsin sé farin að koma niður á láglendið núna, bæði í tún og kornakra. Búast megi við að menn fari að veiða í kornið í lok september. Þrátt fyrir rólega byrjun megi búast við að tímabilið verði svipað í ár og í fyrra, nóg sé af fugli. "Gæsin er byrjuð að koma af fjöllum og niður í tún og kornakra, þar sem þresking er hafin. Um leið og fer að kólna kemur hún niður. Veiðin hefur víða síðustu árin verið alveg fram í desember, þannig að nægur tími er til stefnu." Róbert segir að kreppan hafi áhrif á veiðimenn líkt og aðra. Menn séu farnir að fara færri ferðir en áður. "Menn spara skotin og halda að sér höndum. Það er líka dýrt að ferðast og eldsneytisverðið hefur sitt að segja," segir Róbert. Hann segir óvenju hljótt hafa verið um gæsaveiðina í ár, sem skýrist kannski af því hve seint hún fór af stað. Gæsaveiðitímabilið stendur til 15. mars, en þegar kólnar hópar fuglinn sig saman og heldur af landi brott. "Ef hann liggur að norðan er heiðagæsin snögg að fara. Grágæsin hangir lengur á því. Að auki er mjög stór stofn sem er hér allan veturinn á Suðurlandinu." Andaveiðin hófst 1. september og Róbert segir að öndin sé öll að koma til. Róbert gerir út sjóstangveiðibáta frá Súgandafirði og segir mikið af bústnum fugli fyrir vestan. Menn séu rétt farnir að kroppa í öndina, en hún sé þó ekki komin í hentugan búning og erfitt sé að reyta hana núna. kolbeinn@frettabladid.is Stangveiði Mest lesið Það þarf að koma flugunni niður í miklu vatni Veiði Stóra Laxá að ná 400 löxum Veiði Fékk 94 sm hrygnu í fimmta kasti Veiði Opið hús hjá SVFR á föstudagskvöld Veiði Horfur í Langá góðar fyrir komandi sumur Veiði 177 laxar komnir úr Affallinu Veiði 20-30 urriðar á dag á ION svæðinu Veiði Brúará gaf mest 140 laxa árið 1973 Veiði 64 sm bleikja í Lónsá Veiði Langá á Mýrum komin yfir 2.600 laxa Veiði
Gæsin er um það bil mánuði seinna á ferð en venjulega í hefðbundnum haustundirbúningi sínum. Veiðitímabilið hófst 20. ágúst en þá var enn mikið af ungum á heiðum og gæsin var lítið farin að hópa sig niður á láglendið. Róbert Schmidt veiðimaður segir að gæsin sé farin að koma niður á láglendið núna, bæði í tún og kornakra. Búast megi við að menn fari að veiða í kornið í lok september. Þrátt fyrir rólega byrjun megi búast við að tímabilið verði svipað í ár og í fyrra, nóg sé af fugli. "Gæsin er byrjuð að koma af fjöllum og niður í tún og kornakra, þar sem þresking er hafin. Um leið og fer að kólna kemur hún niður. Veiðin hefur víða síðustu árin verið alveg fram í desember, þannig að nægur tími er til stefnu." Róbert segir að kreppan hafi áhrif á veiðimenn líkt og aðra. Menn séu farnir að fara færri ferðir en áður. "Menn spara skotin og halda að sér höndum. Það er líka dýrt að ferðast og eldsneytisverðið hefur sitt að segja," segir Róbert. Hann segir óvenju hljótt hafa verið um gæsaveiðina í ár, sem skýrist kannski af því hve seint hún fór af stað. Gæsaveiðitímabilið stendur til 15. mars, en þegar kólnar hópar fuglinn sig saman og heldur af landi brott. "Ef hann liggur að norðan er heiðagæsin snögg að fara. Grágæsin hangir lengur á því. Að auki er mjög stór stofn sem er hér allan veturinn á Suðurlandinu." Andaveiðin hófst 1. september og Róbert segir að öndin sé öll að koma til. Róbert gerir út sjóstangveiðibáta frá Súgandafirði og segir mikið af bústnum fugli fyrir vestan. Menn séu rétt farnir að kroppa í öndina, en hún sé þó ekki komin í hentugan búning og erfitt sé að reyta hana núna. kolbeinn@frettabladid.is
Stangveiði Mest lesið Það þarf að koma flugunni niður í miklu vatni Veiði Stóra Laxá að ná 400 löxum Veiði Fékk 94 sm hrygnu í fimmta kasti Veiði Opið hús hjá SVFR á föstudagskvöld Veiði Horfur í Langá góðar fyrir komandi sumur Veiði 177 laxar komnir úr Affallinu Veiði 20-30 urriðar á dag á ION svæðinu Veiði Brúará gaf mest 140 laxa árið 1973 Veiði 64 sm bleikja í Lónsá Veiði Langá á Mýrum komin yfir 2.600 laxa Veiði