Snorri: Mótið er vonbrigði

Snorri Steinn Guðjónsson var mjög svekktur eftir leikinn í kvöld en sagði samt að liðið ætlaði sér að koma til baka eftir þetta mót.

"Við ætluðum okkur stærri hluti á þessu móti. Þetta er sérstaklega erfitt þar sem við fórum með 4 stig upp úr riðlinum, leið vel og mikið sjálfstraust í liðinu.

"Leikurinn við Þjóðverja er vendipunktur í mótinu. Svo töpuðum við fyrir frábærum liðum sem voru betri en við á þessu móti.

"Mótið er vonbrigði en svona er þetta bara. Það er samt alltaf stórkostlegt að spila með strákunum og þetta var gaman fyrir utan úrslitin. Við erum ekki af baki dottnir."