Varnartilþrif hjá Guðmundi þjálfara og nýtt lag frá Bubba

Íslendingar töpuðu gegn Spánverjum í milliriðli 1 á HM í handbolta og slakur fyrri hálfleikur varð Íslendingum að falli í 32-34 tapi. Íslenska liðið sýndi gamla takta í síðari hálfleik og Guðmundur Guðmundsson þjálfari liðsins sýndi gamla varnartakta á hliðarlínunni þar sem spænskur leikmaður hljóp á þjálfarann.

Helstu atriði leiksins eru hér skreytt með nýju lagi frá Bubba Morthens sem heitir einfaldlega Strákarnir okkar. -

Næsti leikur Íslands fer fram á morgun gegn heims, - Evrópu og ólympíumeistaraliði Frakka. Sá leikur hefst kl. 19.45 og verður hann í beinni útsendingu á Stöð 2 sport.