Playstation Vita vinsæl en þó gölluð

Þrátt fyrir gríðarlegar vinsældir leikjatölvunnar Playstation Vita hafa notendur hennar lýst yfir vonbrigðum með snertiskjá tölvunnar. Playstation Vita fór í sölu um helgina og er hefur nú þegar selst í rúmlega 300.000 eintökum.

Notendur segja leikjatölvuna hrynja reglulega og að snertiskjár hennar sé í ólagi. Sony hefur birt afsökunarbeiðni til notendanna á heimasíðu sinni ásamt loforði um að hugbúnaður leikjatölvunnar verði uppfærður.

En þrátt fyrir hnökra í fastbúnaði leikjatölvunnar eru gagnrýnendur almennt ánægðir með Playstation Vita.