Kristinn: Vorum ekki fallegir á vellinum

Kristinn Guðmundsson, annar þjálfara HK, var nokkuð sáttur með sitt lið eftir að það hafði unnið sinn fyrsta leik í vetur er Grótta kom í heimsókn. Lokatölur 25-22 fyrir HK.

"Nei, þetta var ekki auðvelt. Það tekur tíma að finna takt en við vorum nógu góðir til að vinna sem er jákvætt," sagði Kristinn en það leynir sér samt ekki að hans lið á mikið inni.

"Auðvitað vildi ég að við hefðum litið betur út en við gerðum. Við héldum samt áfram er gaf á bátinn og vorum klókir. Við vorum kannski ekki fallegir inn á vellinum en við unnum."

Viðtalið við Kristin má sjá í heild sinni hér að ofan.