Laxá í Dölum að hrökkva í gang

Í gær veiddust 22 laxar í Dölunum en gott vatn er í ánni og lax tekinn að ganga. Þetta er með seinna móti, en kemur þó Dalamönnum ekki á óvart.

Hollið sem var að ljúka veiðum var með tæpa 50 laxa á stangirnar sex. Þetta er væntanlega forsmekkurinn af því sem koma skal, því talsvert af laxi virðist vera að ganga í kjölfarið á stórstraumnum.

Nú hefst maðkaveiði í Laxá, en eftir hádegi í dag er leyfilegt að brúka maðk ásamt flugunni. Má því búast við því að veiðitölur hækki mjög fyrir vestan. Öll svæði eru inni, og samkvæmt Árna Friðleifssyni þá virðist lax hafa dreift sér um alla á, og lax í flestum veiðistöðum.

Birt með góðfúslegu leyfi SVFR