126 laxa dagur í gær í Eystri Rangá

Í gær veiddust 126 laxar í Eystri Rangá og er áin þá komin í 955 laxa.  Núna eru kröftugar göngur í ánna og má reikna með að hún verði fljót upp í 2000 laxa þegar flestir dagarnir framundan ættu að skila yfir 100 löxum.

Sumir staðirnir eru alveg pakkaðir af laxi og hann gengur hratt upp á efri staðina.  Við heyrðum af veiðimanni sem fékk 5 laxa á svæði 8 og alla grálúsuga.  Það veiddust 6280 laxar í ánni í fyrra samkvæmt veiðitölum inná www.angling.is og miðað við hvað það er mikið af laxi í ánni þá má reikna með að hún gæti alveg náð þeirri tölu.  En það verður þóað hafa í huga að það fór allt mikið seinna af stað heldur en síðasta sumar.

Af öðrum ám á svæðinu má nefna að Affallið virðist loksins komið í gang og lax hefur verið að ganga í auknum mæli í ánna síðustu daga.  Eins eru fyrstu laxarnir komnir á land úr Þverá í Fljótshlíð.