Skemmtileg þemaplata Trausti Júlíusson skrifar 20. júlí 2010 00:01 Milljón mismunandi manns er þriðja plata Steve Sampling í fullri lengd. Tónlist Milljón mismunandi manns: þrjár stjörnur Steve Sampling Steve Sampling er listamannsnafn Stefáns Ólafssonar. Hann er búinn að vera einn af atkvæðameiri taktasmiðum og upptökustjórum íslensku hip-hop senunnar undanfarin ár. Hann er meðlimur í Audio Improvement, hefur spilað sem plötusnúður og gert remix, m.a. af Sæglópi Sigurrósar. Milljón mismunandi manns telst vera hans þriðja plata í fullri lengd, en hinar fyrri, The Dawn is Your Enemy (2006) og Borrowed & Blue (2007) voru að mestu leyti án orða. Milljón mismunandi manns er upptökustjóraplata. Steve semur alla tónlistina og tekur upp, en svo fær hann ýmsa rappara til að semja texta og fara með á plötunni. Þetta er þemaplata sem fjallar um skrautlega nótt ungs manns í Reykjavík, en allir rappararnir sömdu sína texta út frá handriti sem þeir fengu frá Steve. Á meðal þeirra sem koma fram á plötunni eru Gnúsi Yones, Steinar Fjelsted úr Quarashi, Birkir B og Diddi Fel úr Forgotten Lores, Marlon Pollock úr Anonymous, G. Maris, Brjánsi, Mezzias MC og B-Kay sem var í Dáðadrengjum. Þéttur hópur. Þetta er að mörgu leyti fín plata. Tónlistin er að stærstum hluta hæggeng og stemningsfull. Hljómurinn er flottur og það er greinilegt að Steve kann sitt fag. Steve hefur verið sterkur í chill- og trip-hop-deildinni og hún fær sitt pláss á plötunni, en líka sálartónlist, r&b og elektró. Rappararnir standa sig margir vel. Lögin eru mis bitastæð. Mín uppáhaldslög á plötunni eru Dagsbrot (Birkir B), Hey Yo! (Bkey), Leyfum okkur smá (Diddi Fel), Skyndilega svona (Brjánsi), Klukkan fimm (Gnúsi Yones) og Alla leið (Steinar Fjelsted). Á heildina litið ágæt plata sem óhætt er að mæla með fyrir aðdáendur íslenskrar rapptónlistar. Niðurstaða: Skemmtileg þemaplata frá Steve Sampling og úrvalsliði íslenskra rappara. Trausti Júlíusson Mest lesið Tók sex ólíka stera fyrir hjartastoppið: „Þannig ég segi nei við sterum“ Lífið Balta bregst bogalistin Gagnrýni Glæsibústaðir yfir hundrað milljónum Lífið Segir Candy hafa séð að faðir hans væri „skrímsli“ á undan öðrum Lífið „Stolt af því að hafa ekki gefist upp á sjálfri mér“ Lífið Yfir sig ástfangin og býr bæði á Spáni og Íslandi Lífið Friðrik Þór og Guðrún selja 225 milljón króna parhús í Hlíðunum Lífið Glæsihöll Livar og Sverris á Arnarnesi til sölu Lífið Enn ástfangnari að sjá maka sinn í foreldrahlutverkinu Lífið Laufey Lín endar Evróputúrinn á Íslandi Tónlist Fleiri fréttir Balta bregst bogalistin Þú heyrðir rétt: klassík getur verið skemmtileg Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Sjá meira
Tónlist Milljón mismunandi manns: þrjár stjörnur Steve Sampling Steve Sampling er listamannsnafn Stefáns Ólafssonar. Hann er búinn að vera einn af atkvæðameiri taktasmiðum og upptökustjórum íslensku hip-hop senunnar undanfarin ár. Hann er meðlimur í Audio Improvement, hefur spilað sem plötusnúður og gert remix, m.a. af Sæglópi Sigurrósar. Milljón mismunandi manns telst vera hans þriðja plata í fullri lengd, en hinar fyrri, The Dawn is Your Enemy (2006) og Borrowed & Blue (2007) voru að mestu leyti án orða. Milljón mismunandi manns er upptökustjóraplata. Steve semur alla tónlistina og tekur upp, en svo fær hann ýmsa rappara til að semja texta og fara með á plötunni. Þetta er þemaplata sem fjallar um skrautlega nótt ungs manns í Reykjavík, en allir rappararnir sömdu sína texta út frá handriti sem þeir fengu frá Steve. Á meðal þeirra sem koma fram á plötunni eru Gnúsi Yones, Steinar Fjelsted úr Quarashi, Birkir B og Diddi Fel úr Forgotten Lores, Marlon Pollock úr Anonymous, G. Maris, Brjánsi, Mezzias MC og B-Kay sem var í Dáðadrengjum. Þéttur hópur. Þetta er að mörgu leyti fín plata. Tónlistin er að stærstum hluta hæggeng og stemningsfull. Hljómurinn er flottur og það er greinilegt að Steve kann sitt fag. Steve hefur verið sterkur í chill- og trip-hop-deildinni og hún fær sitt pláss á plötunni, en líka sálartónlist, r&b og elektró. Rappararnir standa sig margir vel. Lögin eru mis bitastæð. Mín uppáhaldslög á plötunni eru Dagsbrot (Birkir B), Hey Yo! (Bkey), Leyfum okkur smá (Diddi Fel), Skyndilega svona (Brjánsi), Klukkan fimm (Gnúsi Yones) og Alla leið (Steinar Fjelsted). Á heildina litið ágæt plata sem óhætt er að mæla með fyrir aðdáendur íslenskrar rapptónlistar. Niðurstaða: Skemmtileg þemaplata frá Steve Sampling og úrvalsliði íslenskra rappara. Trausti Júlíusson
Mest lesið Tók sex ólíka stera fyrir hjartastoppið: „Þannig ég segi nei við sterum“ Lífið Balta bregst bogalistin Gagnrýni Glæsibústaðir yfir hundrað milljónum Lífið Segir Candy hafa séð að faðir hans væri „skrímsli“ á undan öðrum Lífið „Stolt af því að hafa ekki gefist upp á sjálfri mér“ Lífið Yfir sig ástfangin og býr bæði á Spáni og Íslandi Lífið Friðrik Þór og Guðrún selja 225 milljón króna parhús í Hlíðunum Lífið Glæsihöll Livar og Sverris á Arnarnesi til sölu Lífið Enn ástfangnari að sjá maka sinn í foreldrahlutverkinu Lífið Laufey Lín endar Evróputúrinn á Íslandi Tónlist Fleiri fréttir Balta bregst bogalistin Þú heyrðir rétt: klassík getur verið skemmtileg Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Sjá meira