Vöktu hrifningu í París 20. september 2010 12:40 Rúna Thors, Guðrún Lilja Gunnlaugsdóttir og Alma Olsen eru meðal þeirra sem standa að baki Bility. Mynd/Anton Hönnuðir á bakvið íslenska vörumerkið Bility tóku þátt í stórri húsbúnaðarsýningu í París fyrir skemmstu. Íslenskt veggskraut og bókamerki í líki skordýra vöktu almenna hrifningu meðal sýningargesta."Þetta er í fyrsta sinn sem verið er að sýna þetta vörumerki utan landsteinanna og sýningargestir voru almennt mjög hrifnir. Þannig að það er alveg óhætt að segja að þetta hafi gengið vel í alla staði," segir Teitur Þorkelsson, talsmaður íslenska hönnunarfyrirtækisins Studio Bility, sem hlaut góðar viðtökur á húsbúnaðarsýningunni Maison et Objet í París fyrir skemmstu.Hönnuðir Bility sýndu þar ýmsar vörutegundir, svo sem kertastjaka, veggskraut og nýja línu af bókamerkjum sem er væntanleg í nóvember. "Útsendarar frá bókabúðum voru eðlilega mjög áhugasamir um bókamerkin, sem eru sérstök fyrir þær sakir að líkjast skordýrum og bæði Frökkum og Japönum fannst veggskrautið stórkostlegt, fiðrildin sem breiða úr vængjunum fyrir tilstuðlan samspil ljóss og skugga," segir hann og getur þess að fyrirtækinu hafi borist fjöldi fyrirspurna erlendis frá síðan sýningunni lauk."Við erum að fá fullt af pöntunum að utan, bæði minni fyrirtækjum sem vilja kannski 50 eintök og upp í stórar keðjur sem eru að óska eftir því að við gerum þeim verðtilboð fyrir allt að 3.000 eintök," segir Teitur en bætir við að þótt útlitið sé gott sé ekkert fast í hendi.Þegar hefur verið fjallað um framlag Bility á sýningunni í Frakklandi í vefmiðlum á borð við Core77 og virt tímarit í hönnunarheiminum eins og Marie Claire Maison, franska útgáfan af Elle og Elite Interior hafa sýnt áhuga á því að fjalla um íslenska vörumerkið. "Þau hafa verið að óska eftir frekari upplýsingum um Bility ásamt myndefni; það verður bara spennandi að sjá hvort eitthvað kemur út úr því," segir Teitur og viðurkennir að hópurinn hafi ekki átt von á því að fá svona sterk viðbrögð ytra."Satt best að segja renndum við blint í sjóinn með þátttöku á sýningunni. Sumir höfðu nefnilega haft orð á því að vörur Studio Bility væru eitthvað sem aðeins Íslendingar fíla, en svo kom annað heldur betur á daginn," útskýrir hann glaður og segir viðbrögðin sannkallað gleðiefni fyrir hönnuði Bility.roald@frettabladid.is Mest lesið Var orðið að spurningu um líf og dauða Lífið Mömmustrákur skýtur uppvakningum ref fyrir rass Gagnrýni Aron Kristinn orðinn pabbi Lífið Quarashi á Lopapeysunni: „Við erum synir Akraness“ Tónlist Fréttatía vikunnar: Andlát, fyllerí og fiskur Lífið Komu Balmain Hair Couture í Hagkaup fagnað með glæsilegum viðburði Lífið samstarf Norah Jones: Tíminn stóð í stað þar til ljóskastarinn vakti mann Gagnrýni „Þvílíkur fílingur bara“ Lífið Vonbrigði að aðeins tvær konur komi fram á Kótelettunni Lífið Einbýli í Breiðholti úr smiðju Rutar Kára Lífið Fleiri fréttir Marteinn Högni nýr framkvæmdastjóri Húrra „Núna þori ég miklu meira“ „Þetta kom mér jafnmikið á óvart eins og öðrum“ Stálu senunni í París Byrjaði fjögurra ára í búningaleik og hætti aldrei Katrín og Inga Rut í stjórn Miðstöðvar hönnunar og arkitektúrs Það allra heitasta í sumarförðuninni Sjá meira
Hönnuðir á bakvið íslenska vörumerkið Bility tóku þátt í stórri húsbúnaðarsýningu í París fyrir skemmstu. Íslenskt veggskraut og bókamerki í líki skordýra vöktu almenna hrifningu meðal sýningargesta."Þetta er í fyrsta sinn sem verið er að sýna þetta vörumerki utan landsteinanna og sýningargestir voru almennt mjög hrifnir. Þannig að það er alveg óhætt að segja að þetta hafi gengið vel í alla staði," segir Teitur Þorkelsson, talsmaður íslenska hönnunarfyrirtækisins Studio Bility, sem hlaut góðar viðtökur á húsbúnaðarsýningunni Maison et Objet í París fyrir skemmstu.Hönnuðir Bility sýndu þar ýmsar vörutegundir, svo sem kertastjaka, veggskraut og nýja línu af bókamerkjum sem er væntanleg í nóvember. "Útsendarar frá bókabúðum voru eðlilega mjög áhugasamir um bókamerkin, sem eru sérstök fyrir þær sakir að líkjast skordýrum og bæði Frökkum og Japönum fannst veggskrautið stórkostlegt, fiðrildin sem breiða úr vængjunum fyrir tilstuðlan samspil ljóss og skugga," segir hann og getur þess að fyrirtækinu hafi borist fjöldi fyrirspurna erlendis frá síðan sýningunni lauk."Við erum að fá fullt af pöntunum að utan, bæði minni fyrirtækjum sem vilja kannski 50 eintök og upp í stórar keðjur sem eru að óska eftir því að við gerum þeim verðtilboð fyrir allt að 3.000 eintök," segir Teitur en bætir við að þótt útlitið sé gott sé ekkert fast í hendi.Þegar hefur verið fjallað um framlag Bility á sýningunni í Frakklandi í vefmiðlum á borð við Core77 og virt tímarit í hönnunarheiminum eins og Marie Claire Maison, franska útgáfan af Elle og Elite Interior hafa sýnt áhuga á því að fjalla um íslenska vörumerkið. "Þau hafa verið að óska eftir frekari upplýsingum um Bility ásamt myndefni; það verður bara spennandi að sjá hvort eitthvað kemur út úr því," segir Teitur og viðurkennir að hópurinn hafi ekki átt von á því að fá svona sterk viðbrögð ytra."Satt best að segja renndum við blint í sjóinn með þátttöku á sýningunni. Sumir höfðu nefnilega haft orð á því að vörur Studio Bility væru eitthvað sem aðeins Íslendingar fíla, en svo kom annað heldur betur á daginn," útskýrir hann glaður og segir viðbrögðin sannkallað gleðiefni fyrir hönnuði Bility.roald@frettabladid.is
Mest lesið Var orðið að spurningu um líf og dauða Lífið Mömmustrákur skýtur uppvakningum ref fyrir rass Gagnrýni Aron Kristinn orðinn pabbi Lífið Quarashi á Lopapeysunni: „Við erum synir Akraness“ Tónlist Fréttatía vikunnar: Andlát, fyllerí og fiskur Lífið Komu Balmain Hair Couture í Hagkaup fagnað með glæsilegum viðburði Lífið samstarf Norah Jones: Tíminn stóð í stað þar til ljóskastarinn vakti mann Gagnrýni „Þvílíkur fílingur bara“ Lífið Vonbrigði að aðeins tvær konur komi fram á Kótelettunni Lífið Einbýli í Breiðholti úr smiðju Rutar Kára Lífið Fleiri fréttir Marteinn Högni nýr framkvæmdastjóri Húrra „Núna þori ég miklu meira“ „Þetta kom mér jafnmikið á óvart eins og öðrum“ Stálu senunni í París Byrjaði fjögurra ára í búningaleik og hætti aldrei Katrín og Inga Rut í stjórn Miðstöðvar hönnunar og arkitektúrs Það allra heitasta í sumarförðuninni Sjá meira