Góðri hugmynd gerð þokkaleg skil Roald Eyvindsson skrifar 18. september 2010 06:00 Sumarlandið. Bíó / *** Sumarlandið Leikstjóri: Grímur Hákonarson Leikarar: Kjartan Guðjónsson, Ólafía Hrönn Jónsdóttir og Þóra Tryggvadóttir Sumarlandið segir af fjölskyldu sem hefur lífsviðurværi sitt af álfatengdri ferðaþjónustu og miðilsfundum. Viðskiptin standa hins vegar ekki undir láni sem var tekið fyrir rekstrinum og húsbóndinn freistast til að selja álfastein á lóðinni til að redda málunum fyrir horn. Í kjölfarið skapast upplausnarástand á heimilinu og bendir ýmislegt til að álfarnir séu þar að verki. Sumarlandið er frekar látlaus mynd, einföld og ágætlega skrifuð. Einkum tekst handritshöfundum vel upp framan af á meðan grínið endist en missa aðeins tökin um miðbikið þegar alvarlegur undirtónn og yfirþyrmandi siðferðisboðskapur nær yfirhöndinni; ná sér svo aftur á strik með óvæntu útspili í síðari hluta og eiga hrós skilið fyrir skemmtilegan endi. Þá er tæknivinnsla, leikmynd og tónlistarval til fyrirmyndar, sérstaklega titillagið Þitt auga sem er afar grípandi. Leikararnir skila flestir sínu vel, svo sem Hallfríður Tryggvadóttir og Nökkvi Helgason í hlutverkum barnanna á heimilinu og sérstaklega Kjartan Guðjónsson sem fjölskyldufaðirinn Óskar. Óskar er andlaus og skammsýnn gróðafíkill sem setur allt á annan endann með sölu á álfasteininum í skiptum fyrir fasteign og flatskjá. Óskari gengur auðvitað líka gott til, steinninn er seldur til að forða fjölskyldunni frá gjaldþroti og tekst Kjartani að koma innra sálarstríði hans vel til skila. Öðru máli gegnir um Ólafíu Hrönn Jónsdóttur sem er viðfelldin sem húsfreyjan og miðillinn Lára en nær ekki að vekja nægilega samúð með persónunni þar sem vantar upp á tilþrifin. Leikstjórinn Grímur Hákonarson á að baki nokkrar stuttmyndir og því enginn sérstakur byrjendabragur á Sumarlandinu þótt hún sé hans fyrsta mynd í fullri lengd. Þó vanti upp á herslumuninn til að gera góðri hugmynd fullnægjandi skil er Sumarlandið á heildina ágætis afþreying. Niðurstaða: Ágætis mynd sem þó geldur fyrir að taka sig of alvarlega á köflum. Mest lesið „En áttu ekki dóttur?“ Lífið Verður aðalnúmer hálfleikssýningar Ofurskálarinnar Lífið Stjörnulífið: Tatiana og Ragnar í kastala í Frakklandi Lífið Egill og Thelma eiga von á sínu öðru barni Lífið Hneig niður í miðju lagi Tónlist Boðaði vinkonurnar í bústað eftir að hafa upplifað Tinder á sterum Lífið Selena Gomez giftist Benny Blanco Lífið Ætla að syngja sig hás og dansa við Komdu um jólin Lífið samstarf Fann ástina loksins þegar hann tók sér marga elskhuga Lífið „Það er ekkert sem læknar þetta alveg“ Lífið Fleiri fréttir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Sjá meira
Bíó / *** Sumarlandið Leikstjóri: Grímur Hákonarson Leikarar: Kjartan Guðjónsson, Ólafía Hrönn Jónsdóttir og Þóra Tryggvadóttir Sumarlandið segir af fjölskyldu sem hefur lífsviðurværi sitt af álfatengdri ferðaþjónustu og miðilsfundum. Viðskiptin standa hins vegar ekki undir láni sem var tekið fyrir rekstrinum og húsbóndinn freistast til að selja álfastein á lóðinni til að redda málunum fyrir horn. Í kjölfarið skapast upplausnarástand á heimilinu og bendir ýmislegt til að álfarnir séu þar að verki. Sumarlandið er frekar látlaus mynd, einföld og ágætlega skrifuð. Einkum tekst handritshöfundum vel upp framan af á meðan grínið endist en missa aðeins tökin um miðbikið þegar alvarlegur undirtónn og yfirþyrmandi siðferðisboðskapur nær yfirhöndinni; ná sér svo aftur á strik með óvæntu útspili í síðari hluta og eiga hrós skilið fyrir skemmtilegan endi. Þá er tæknivinnsla, leikmynd og tónlistarval til fyrirmyndar, sérstaklega titillagið Þitt auga sem er afar grípandi. Leikararnir skila flestir sínu vel, svo sem Hallfríður Tryggvadóttir og Nökkvi Helgason í hlutverkum barnanna á heimilinu og sérstaklega Kjartan Guðjónsson sem fjölskyldufaðirinn Óskar. Óskar er andlaus og skammsýnn gróðafíkill sem setur allt á annan endann með sölu á álfasteininum í skiptum fyrir fasteign og flatskjá. Óskari gengur auðvitað líka gott til, steinninn er seldur til að forða fjölskyldunni frá gjaldþroti og tekst Kjartani að koma innra sálarstríði hans vel til skila. Öðru máli gegnir um Ólafíu Hrönn Jónsdóttur sem er viðfelldin sem húsfreyjan og miðillinn Lára en nær ekki að vekja nægilega samúð með persónunni þar sem vantar upp á tilþrifin. Leikstjórinn Grímur Hákonarson á að baki nokkrar stuttmyndir og því enginn sérstakur byrjendabragur á Sumarlandinu þótt hún sé hans fyrsta mynd í fullri lengd. Þó vanti upp á herslumuninn til að gera góðri hugmynd fullnægjandi skil er Sumarlandið á heildina ágætis afþreying. Niðurstaða: Ágætis mynd sem þó geldur fyrir að taka sig of alvarlega á köflum.
Mest lesið „En áttu ekki dóttur?“ Lífið Verður aðalnúmer hálfleikssýningar Ofurskálarinnar Lífið Stjörnulífið: Tatiana og Ragnar í kastala í Frakklandi Lífið Egill og Thelma eiga von á sínu öðru barni Lífið Hneig niður í miðju lagi Tónlist Boðaði vinkonurnar í bústað eftir að hafa upplifað Tinder á sterum Lífið Selena Gomez giftist Benny Blanco Lífið Ætla að syngja sig hás og dansa við Komdu um jólin Lífið samstarf Fann ástina loksins þegar hann tók sér marga elskhuga Lífið „Það er ekkert sem læknar þetta alveg“ Lífið Fleiri fréttir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Sjá meira